Kay Haverts dubla imza atdı - Almaniya 2014-dən bəri ən böyük hesablı qələbəsini qazandı

Almaniya millisinin hücumçusu Kay Haverts Kurasao yığmasının qapısına daha bir qol vuraraq dubl edib.

90deqiqe.Az xəbər verir ki, o, ilk hissədə əlavə vaxtda fərqlənmişdisə, bu dəfə 88-ci dəqiqədə — oyunun sonuna yaxın yenidən qol vurub.

Bununla da Almaniya millisinin hesabı 7:1 olub. Qeyd edək ki, Almaniya dünya çempionatında sonuncu dəfə 2014-cü ildə belə böyük hesablı qələbə qazanmışdı — həmin vaxt komanda yarımfinalda Braziliyanı darmadağın etmişdi.

Xatırladaq ki, E qrupunda daha iki komanda da yer alır — Kot-d’İvuar və Ekvador. Bu iki yığma bu gün gecə saatlarında, Bakı vaxtı ilə 02:00-da qarşılaşacaq.