Almaniya dünya çempionatları tarixində qol rekorduna imza atdı

Almaniya milli komandası dünya çempionatlarının final mərhələlərində vurulan qolların sayına görə rekord müəyyənləşdirib.

90deqiqe.Az xəbər verir ki,  bu, 2026-cı il dünya çempionatının E qrupunun 1-ci turunda Kurasao ilə keçirilən və Almaniyanın 7:1 hesablı qələbəsi ilə başa çatan oyunda reallaşıb. Qarşılaşma ABŞ-ın Hyuston şəhərində yerləşən “NRG Stadium” stadionunda keçirilib. Oyunun baş hakimi Mərakeşdən olan Cəlal Cayed olub.

Almaniya millisinin dünya çempionatlarının final mərhələlərində vurduğu qolların ümumi sayı 239-a çatıb və bu göstərici ilə Braziliya millisindən (238 qol) önə keçib.

Qeyd edək ki, 2026-cı il dünya çempionatı 11 iyundan 19 iyula qədər ABŞ, Kanada və Meksikada keçirilir. Hazırkı dünya çempionu Argentina millisidir. 2022-ci il dünya çempionatının finalında Argentina və Fransa milliləri qarşılaşıb. Əsas vaxt 3:3 hesabı ilə başa çatıb, penaltilər seriyasında isə Argentina 4:2 hesabı ilə qalib gəlib.