"Mənə hər tərəfdən hücum etdiklərini hiss etdim"

Yaponiya millisinin yarımmüdafiəçisi Takefusa Kubo DÇ-2026-nın qrup mərhələsinin ilk turunda Niderland yığmasına qarşı keçirdiyi oyunda aldığı zədə barədə açıqlama verib.

90deqiqe.Az xəbər verir ki, futbolçu vəziyyətinin ciddi olmadığını bildirib.

"Özümü yaxşı hiss edirəm. Nə baş verdiyini tam anlaya bilmədim. Mənə elə gəldi ki, hər tərəfdən hücum edirdilər. Düşünürəm ki, hər şey qaydasında olacaq", - deyə Kubo Mundo Deportivo nəşrinə açıqlamasında söyləyib.

Qeyd edək ki, Yaponiya və Niderland yığmaları arasında keçirilən qarşılaşma 2:2 hesablı heç-heçə ilə yekunlaşıb.

Asiya təmsilçisi qrup mərhələsinin növbəti turunda Tunis millisi ilə üz-üzə gələcək. Görüş iyunun 21-də baş tutacaq.