Uruqvay Səudiyyə Ərəbistanı ilə oyunda bir xalla kifayətləndi

Futbol üzrə dünya çempionatının H qrupunda Səudiyyə Ərəbistanı ilə Uruqvay yığmaları üz-üzə gəlib.

90deqiqe.Az xəbər verir ki, Mayamidə keçirilən qarşılaşma 1:1 hesablı heç-heçə ilə yekunlaşıb.

Oyunda hesabı Səudiyyə Ərəbistanı millisi açıb. Komandanın heyətində Abdulelah Alamri 41-ci dəqiqədə fərqlənərək ilk hissənin yekun nəticəsini müəyyənləşdirib.

Matçın sonlarına doğru təzyiqi artıran Uruqvay yığması bərabərlik qolunu vurmağı bacarıb. Maksimiliano Arauxo 80-ci dəqiqədə rəqib qapısına yol taparaq komandasını məğlubiyyətdən xilas edib.

Beləliklə, tərəflər hərəyə bir xal qazanıblar.

Qeyd edək ki, H qrupunun digər görüşündə İspaniya və Kabo Verde yığmaları qapılara qol vura bilməyiblər. Qarşılaşma qolsuz bərabərliklə başa çatıb.