"Belə oyunlar on matçdan birində olur"

İspaniya millisinin sabiq qapıçısı İker Kasilyas 2026-cı il dünya çempionatında komandasının Kabo-Verde ilə qolsuz heç-heçə etdiyi oyundan sonra fikirlərini bölüşüb.

90deqiqe.Az-ın məlumatına görə, sabiq futbolçu bu barədə sosial şəbəkə hesabında yazıb.

“Düşünürəm ki, İspaniya millisi yaxşı oyun sərgilədi. Bu, on oyundan birində baş verən qarşılaşmalardandır. Qol imkanları yaradırsan, lakin onları dəyərləndirə bilmirsən. Başa düşürəm ki, azarkeşlərdə müəyyən suallar yarana bilər, amma hazırda narahat olmağa əsas yoxdur. Sakit qalmaq lazımdır. Bu mərhələni geridə qoyub Səudiyyə Ərəbistanı ilə oyuna köklənmək vacibdir”

Qeyd edək ki, İspaniya millisi 2026-cı il dünya çempionatına Kabo-Verde ilə oyunla başlayıb və rəqib qapısına yol tapa bilməyib. Komanda növbəti görüşünü iyunun 21-də Səudiyyə Ərəbistanı millisinə qarşı keçirəcək.