"Daha güclü İspaniya görəcəyik"

İspaniya millisi dünya çempionatının debütantı olan Kabo-Verde yığması ilə sensasiyalı heç-heçə edib.  

 90deqiqe.Az-ın məlumatına görə, görüşdən sonra nəticəni Fransanın tanınmış sabiq futbolçusu Tyerri Anri dəyərləndirib.

“Buraya çoxlu istedadlı futbolçular gəlib. Onların oyun praktikası qazanmağa və özlərinəinamlarını artırmağa ehtiyacları var. İnanıram ki, biz daha güclü İspaniya millisini görəcəyik. Bu, cəmi bir oyundur.”

H qrupunun ilk turunda keçirilən qarşılaşmada İspaniya yığması Kabo-Verde ilə qolsuz bərabərə qalıb.

Qeyd edək ki, Luis de la Fuente rəhbərliyindəki kollektiv növbəti görüşünü iyunun 21-də Səudiyyə Ərəbistanı yığmasına qarşı keçirəcək. Səudiyyəlilər isə son matçlarında Uruqvay millisi ilə heç-heçə ediblər.

Xatırladaq ki, ABŞ, Meksika və Kanadada təşkil olunan dünya çempionatına İspaniya yığması Avropanın son çempionu statusunda qatılıb.