Mbappe Jirunun rekorduna çatdı

Fransa millisinin hücumçusu Kilian Mbappe dünya çempionatının I qrupunun 1-ci turunda Seneqala qarşı keçirilən oyunda fərqlənərək milli komandanın ən sərrast hücumçusu Olivye Jiru ilə qol sayında bərabərləşib.

90deqiqe.Az xəbər verir ki, hazırda ABŞ-ın Nyu-Cersi ştatında yerləşən “Metlayf” stadionunda keçirilən görüş davam edir. Matçın baş hakimi avstraliyalı Əlirza Fəqani olub. 

Mbappe Fransa yığmasında 99-cu oyununda 57-ci qolunu vurub. Eyni sayda qolu Olivye Jiru da 137 oyunda əldə edib.

Qrupun II turunda Fransa millisi iyunun 23-də İraq yığması ilə, III turda isə iyunun 26-da Norveçlə qarşılaşacaq. Seneqal isə növbəti görüşlərdə 23 iyunda Norveç, 26 iyunda isə İraqla üz-üzə gələcək.

Qeyd edək ki, dünya çempionatının hazırkı qalibi Argentina millisidir.