İraq Norveç qarşısında tab gətirə bilmədi

Futbol üzrə dünya çempionatının qrup mərhələsində növbəti qarşılaşma baş tutub.

90deqiqe.Az-ın məlumatına görə,  J qrupunun oyununda Norveç millisi İraq yığması üzərində inamlı qələbə qazanıb. Skandinaviya təmsilçisi rəqibini 4:1 hesabı ilə məğlub edərək vacib üç xalı aktivinə yazdırıb.

Norveçin qollarını 29 və 43-cü dəqiqələrdə Erlinq Holann, 76-cı dəqiqədə Leo Estiqor, 90+7-ci dəqiqədə isə Kristian Torstvedt vurublar. İraqın yeganə qoluna 39-cu dəqiqədə Ayman Hüseyn imza atıb.

Beləliklə, Norveç J qrupunda turnir cədvəlində mövqeyini möhkəmləndirib.

Qrupun digər qarşılaşmaları da bu gün keçiriləcək. Bakı vaxtı ilə saat 05:00-da Argentina və Əlcəzair milliləri üz-üzə gələcəklər. Saat 08:00-da isə Avstriya yığması İordaniya ilə münasibətlərinə aydınlıq gətirəcək.

Dünya çempionatının J qrupunda mübarizə gərginliyi ilə davam edir.