Argentina Əlcəzair səddini Messinin qolları ilə aşdı

Futbol üzrə dünya çempionatının qrup mərhələsində növbəti qarşılaşma keçirilib.

90deqiqe.Az-ın məlumatına görə,  J qrupunda yer alan Argentina millisi Əlcəzair yığması ilə üz-üzə gəlib. Kanzas stadionunda baş tutan oyunda Cənubi Amerika təmsilçisi rəqibinə 3:0 hesabı ilə qalib gəlib.

Görüşün əsas qəhrəmanı Argentina millisinin kapitanı Lionel Messi olub. Ulduz futbolçu het-trik edərək komandasına inamlı qələbə qazandırıb.

Bu nəticə ilə Argentina J qrupunda vacib üç xal əldə edib və növbəti mərhələyə vəsiqə uğrunda mübarizədə mövqeyini gücləndirib.

Qrupun digər oyununda isə Avstriya millisi Bakı vaxtı ilə saat 08:00-da İordaniya ilə qarşılaşacaq.