“İtaliya futbolu taktika xəstəliyindən əziyyət çəkir”

İtaliyanın tanınmış mütəxəssisi Klaudio Ranyeri ölkəsində futbolun inkişafı ilə bağlı diqqətçəkən fikirlər səsləndirib.

90deqiqe.Az xəbər verir ki, təcrübəli məşqçi İtaliya futbolunda həddindən artıq taktika fokusunun ciddi problem yaratdığını bildirib.

“İtaliyada uşaq və gənclər futbolunu itirdiyimiz fikri ilə razı deyiləm. Əksinə, son illərdə U-17 Avropa çempionatında qələbələrimiz olub, U-19 dünya çempionatının finalına qədər yüksəlmişik. Problem məncə başqa yerdədir – İtaliyada hər kəs taktika ilə həddindən artıq maraqlanır. Çox. Sanki taktika xəstəliyi var. İngiltərədə isə bu səviyyədə taktika asılılığı yoxdur”, - deyə Ranyeri bildirib.

Qeyd edək ki, İtaliya millisi ardıcıl üçüncü dəfə dünya çempionatının final mərhələsinə vəsiqə qazana bilməyib.