Neymar Haiti ilə matçı buraxacaq

Braziliya millisinin hücumçusu Neymar dünya çempionatının qrup mərhələsinin ikinci turunda Haiti yığmasına qarşı keçiriləcək görüşdə komandasına kömək edə bilməyəcək.

90deqiqe.Az xəbər verir ki, bu barədə "TMC" məlumat yayıb.

Mənbənin bildirdiyinə görə, ulduz futbolçu komanda ilə birlikdə oyunun keçiriləcəyi şəhərə yollanmayacaq. Neymar dünya çempionatının startı ərəfəsində aldığı baldır əzələsi zədəsindən tam bərpa olunmadığı üçün Nyu-Cersidə qalaraq müalicəsini davam etdirəcək.

Qeyd edək ki, Braziliya millisi mundialdakı ilk oyununda Mərakeş yığması ilə heç-heçə edib. Qarşılaşma 1:1 hesabı ilə başa çatıb.

Braziliya - Haiti oyunu iyunun 20-də keçiriləcək. Görüş Bakı vaxtı ilə saat 04:30-da start götürəcək.