Kurasao tarix yazdı, qapıçısı dünya çempionatı rekordunu yenilədi

2026-cı il dünya çempionatında E qrupunun II turunda Ekvador və Kurasao milliləri arasında keçirilən görüş qolsuz bərabərliklə yekunlaşıb.

90deqiqe.Az xəbər verir ki, bu nəticə Kurasao yığması üçün tarixi əhəmiyyət daşıyıb. Komanda dünya çempionatları tarixində ilk xalını qazanmağı bacarıb.

İlk turda Almaniya ilə qarşılaşmada dünya çempionatları tarixində ilk qolunu vuran Kurasao bu dəfə Ekvadorla heç-heçə edərək növbəti uğura imza atıb.

Qrupda iki turdan sonra Almaniya altı xalla növbəti mərhələyə vəsiqəni təmin edib. Kot-d’İvuar üç xalla ikinci pillədə qərarlaşıb. Ekvador və Kurasao isə hərəyə bir xalla üçüncü və dördüncü yerləri bölüşürlər.

Kurasao yığmasının qapıçısı Eloy Rum komandasının qazandığı tarixi xalda əsas pay sahiblərindən biri olub. Təcrübəli qolkiper görüş ərzində 15 seyv edərək dünya çempionatları tarixində əlavə vaxt oynanmayan matçlarda ən çox qurtarış edən qapıçı rekordunu müəyyənləşdirib.