Dünya çempionatında hər kəsi aldadan epizod yaşandı - FOTOLAR

2026-cı il futbol üzrə dünya çempionatının F qrupunda Yaponiya və Tunis milliləri arasında keçirilən qarşılaşmada diqqətçəkən epizod yaşanıb.

90deqiqe.Az xəbər verir ki, görüşün 10-cu dəqiqəsində baş verən hadisə milyonlarla tamaşaçı arasında böyük müzakirələrə səbəb olub.

Monterrey stadionunda keçirilən oyunda Yaponiya millisinin hücumçusu Ayase Uedanın cərimə meydançasının sol cinahından vurduğu zərbədən sonra top müdafiəçiyə dəyərək qapıya istiqamətlənib. Lakin Tunis millisinin qapıçısı Aymen Dahmen son anda topu uzaqlaşdırmağı bacarıb.

İlk baxışdan Dahmenin topu qapı xəttini keçdikdən sonra çıxardığı təsiri yaransa da, xüsusi sensorlarla təchiz olunmuş top və qapı xətti texnologiyası bunun əksini göstərib. Təkrar görüntülərdən məlum olub ki, top qapı xəttini millimetrlərlə keçməyib və qol qeydə alınmayıb.

Qarşılaşma Yaponiya millisinin 4:0 hesablı qələbəsi ilə yekunlaşıb.

Bu nəticədən sonra Yaponiya xallarının sayını dördə çatdıraraq qrupda ikinci pilləyə yüksəlib. Hesabında xal olmayan Tunis millisi isə pley-off mərhələsinə yüksəlmək şansını itirib.