“Eyni heyət hər oyunda oynaya bilməz”

Fransa millisinin baş məşqçisi Didye Deşam dünya çempionatının qrup mərhələsinin ikinci turunda İraqla keçiriləcək oyun öncəsi start heyətində dəyişikliklərin olacağını bildirib.

90deqiqe.Az xəbər verir ki, "RMC Sport" təcrübəli çalışdırıcının dediklərini belə çatdırıb.

“Burada söhbət komandanın idarə olunmasından gedir. Bir oyunçunun yerini alıb digərinə vermək asan deyil. Prioritet futbolçuların hazırlıq səviyyəsidir, lakin bu, digər hədəflər qoymağımıza mane olmur. Seneqala qarşı oynayan start heyət hər matçda meydana çıxa bilməz. Komandada təxminən 20 futbolçu var, buna görə dəyişikliklər etmək məcburiyyətində qala bilərəm”

Qeyd edək ki, qarşılaşma 23 iyun tarixində ABŞ-nin Pensilvaniya ştatının Filadelfiya şəhərində yerləşən “Linkoln Faynənşl Fild” stadionunda keçiriləcək. Fransa millisi ilk turdan sonra 3 xalla I qrupunda liderdir. İraq yığması isə xalsız olaraq sonuncu pillədə qərarlaşıb.