Messi dünya çempionatları tarixində ən çox penalti qaçıran futbolçu oldu

Argentina millisi dünya çempionatının qrup mərhələsinin ikinci turunda Avstriya yığması ilə qarşılaşır.

90deqiqe.Az xəbər verir ki, oyunun ilk hissəsində Argentina komandasının kapitanı Lionel Messi təyin olunan onbir metrlik cərimə zərbəsindən yararlana bilməyib. Ulduz futbolçunun zərbəsindən sonra top qapının sağ tərəfindən kənara çıxıb.

Statistika üzrə ixtisaslaşmış mütəxəssislərin məlumatına görə, Messi dünya çempionatları tarixində ən çox onbir metrlik cərimə zərbəsi yerinə yetirən (7) və ən çox belə imkanı qaçıran (3) futbolçudur.

Beləliklə, argentinalı hücumçu dünya çempionatları tarixində üç onbir metrlik cərimə zərbəsini qola çevirə bilməyən ilk futbolçu kimi arzuolunmaz rekorda sahib çıxıb.

Hazırda mundiallar tarixində üç onbir metrlik cərimə zərbəsini boşa verən başqa futbolçu yoxdur.