Neymar ən yaxşı fiziki formasına qayıtdı

Braziliya millisinin hücumçusu Neymar son illərlə müqayisədə ən yaxşı fiziki formasına qayıdıb.

90deqiqe.Az-ın “UOL”nəşrinə istinadən məlumatına görə, futbolçunun yaxın ətrafı onun 2026-cı il versiyasını son dövrlərdə gördükləri ən güclü və hazır vəziyyət kimi dəyərləndirir.

Məlumata əsasən, Neymar gündə iki-üç dəfə məşq edir və artıq təxminən iki həftədir ki, demək olar ağrı hiss etmir. Braziliya millisinin düşərgəsində də hesab olunur ki, hücumçu tam fiziki hazır vəziyyətdədir və dünya çempionatında komandasının çıxışına ciddi təsir göstərə bilər.

Qeyd edək ki, Neymar bundan əvvəl baldır əzələsindəki zədədən tam sağalıb və Braziliya yığması ilə ilk tamhəcmli məşqini keçirib.