Munyos Kolumbiyaya qələbə qazandırdı

Futbol üzrə dünya çempionatında K qrupunun II turunun oyunları davam edir.

90deqiqe.Az xəbər verir ki, Meksikanın Qvadalaxara şəhərində yerləşən stadionda keçirilən qarşılaşmada Kolumbiya millisi Konqo Demokratik Respublikası üzərində minimal hesablı qələbə qazanıb. Gərgin və mübarizəli keçən oyunda qalibi bir qol müəyyənləşdirib.

Cənubi Amerika təmsilçisinin heyətində qələbə qolunu 76-cı dəqiqədə Daniel Munyos vurub. Müdafiəçinin dəqiq zərbəsi komandasına vacib üç xal qazandırıb.

Qrupun digər matçında isə Portuqaliya millisi Özbəkistanı darmadağın edib. Avropa təmsilçisi rəqibini 5:0 hesabı ilə məğlub edərək növbəti mərhələyə yüksəlmək yolunda ciddi addım atıb.

Beləliklə, ardıcıl ikinci qələbəsini qazanan Kolumbiya xallarının sayını altıya çatdıraraq K qrupunda vahid lider mövqeyinə yüksəlib. Konqo Demokratik Respublikası isə növbəti mərhələyə vəsiqə uğrunda mübarizəni çətinləşdirib.