Niderland Tunis səddini aşaraq pley-offa yüksəldi

Futbol üzrə dünya çempionatında F qrupunun III turu çərçivəsində Niderland və Tunis milliləri üz-üzə gəliblər.

90deqiqe.Az xəbər verir ki, Kanzas stadionunda baş tutan qarşılaşma Avropa təmsilçisinin üstünlüyü şəraitində keçib. Matç ərzində rəqibindən daha məhsuldar oyun nümayiş etdirən Niderland yığması 3:1 hesablı qələbə qazanıb.

Bu nəticə sayəsində F qrupunu lider kimi başa vuran "narıncılar" pley-off mərhələsinə vəsiqəni təmin ediblər.

Qeyd edək ki, Niderland millisi dünya çempionatının növbəti mərhələsində C qrupunu ikinci pillədə tamamlayan Mərakeş yığması ilə qarşılaşacaq.