Türkiyə ABŞ-ni son dəqiqə qolu ilə məğlub etdi

Futbol üzrə dünya çempionatında D qrupunun III turunun növbəti oyunları keçirilib.

90deqiqe.Az xəbər verir ki, San-Fransisko stadionunda baş tutan qarşılaşmada Paraqvay və Avstraliya milliləri üz-üzə gəliblər. Gərgin mübarizə şəraitində keçən oyunda tərəflər hesabı aça bilməyiblər və matç 0:0 hesablı heç-heçə ilə yekunlaşıb.

Qrupun digər görüşündə isə ABŞ və Türkiyə yığmaları münasibətlərinə aydınlıq gətiriblər. Bol qollu qarşılaşmada üstün olan tərəf Türkiyə millisi olub.

Amerikalıların heyətində Auston Trusty 3-cü, Sebastian Berhalter isə 49-cu dəqiqədə fərqlənib. Türkiyə yığmasının qollarını isə Arda Güler (10), Barış Yılmaz (31) və Kaan Ayhan (90+8) vurublar. Bununla da Türkiyə rəqibini 3:2 hesabı ilə məğlub edib.

Beləliklə, D qrupunda son turun oyunları komandaların turnir cədvəlindəki mövqelərinə aydınlıq gətirib.