“Biz mundiala hədiyyə etməyə gəlməmişik”

Almaniya millisinin sabiq futbolçusu Tomas Müller 2026-cı il dünya çempionatının qrup mərhələsinin 3-cü turunda Ekvadorla keçirilən oyundan sonra baş məşqçinin heyət seçimi ilə bağlı fikirlərini bölüşüb.

90deqiqe.Az-ın məlumatına görə, o, “Magenta TV”yə açıqlamasında bildirib ki, baş məşqçi olsaydı, komandanın sabitliyini qorumaq üçün mövcud yanaşmanı dəstəkləyərdi və Manuel Noyeri əsas heyətdə saxlayardı.

“Biz mundiala kiməsə hədiyyə etmək üçün gəlməmişik”, – deyə Müller vurğulayıb.

Qeyd edək ki, Almaniya – Ekvador oyunu 1:2 hesabı ilə başa çatıb.

Qrup mərhələsinin yekunlarına əsasən, Yulian Naqelsmannın rəhbərlik etdiyi Almaniya millisi birinci yeri tutub, Ekvador isə üçüncü pillədə qərarlaşıb.