Ris Ceyms Panama ilə oyunu buraxa bilər

İngiltərə millisinin müdafiəçisi Ris Ceymsin dünya çempionatında Panama ilə keçiriləcək oyunu buraxacağı gözlənilir.

90deqiqe.Az-ın “Sky Sports”a istinadən məlumatına görə, futbolçu komandanın son məşqində iştirak etməyib. O, budun arxa hissəsində yaranmış zədə səbəbindən bərpa prosesini davam etdirir və fərdi proqram üzrə çalışır.

Qeyd edək ki, Ris Ceyms 2026-cı il dünya çempionatında İngiltərə millisinin keçirdiyi əvvəlki iki oyunda meydanda 90 dəqiqə çıxış edib.

Panama və İngiltərə milliləri arasında keçiriləcək qarşılaşma iyunun 28-də baş tutacaq.

Hazırda İngiltərə yığması dörd xalla L qrupuna liderlik edir. Panama millisi isə ilk iki oyunda məğlub olduğu üçün pley-off mərhələsinə yüksəlmək şansını itirib.