Kolumbiya və Portuqaliya pley-offa yüksəldi

2026-cı il dünya çempionatının K qrupunda Kolumbiya və Portuqaliya milliləri arasında keçirilən üçüncü tur oyunu başa çatıb.

90deqiqe.Az-ın məlumatına görə, ABŞ-də baş tutan qarşılaşmada qalib müəyyənləşməyib. Matç qolsuz heç-heçə ilə yekunlaşıb.

Kolumbiya millisinin müdafiəçisi Davinson Sançesin 90+1-ci dəqiqədə vurduğu qol oyundankənar vəziyyət səbəbindən qeydə alınmayıb.

Bu nəticədən sonra hər iki komanda dünya çempionatının pley-off mərhələsinə vəsiqə qazanıb.

Kolumbiya millisi üç oyundan sonra topladığı yeddi xalla K qrupunu birinci pillədə başa vurub. Beş xalı olan Portuqaliya yığması isə ikinci yeri tutaraq növbəti mərhələyə yüksəlib.

Qrupda Konqo Demokratik Respublikası və Özbəkistan milliləri ilk iki pillədən kənarda qalıblar.