DÇ-2026: 1/16 finalın bütün cütləri bəlli oldu

ABŞ, Kanada və Meksikanın birgə ev sahibliyi etdiyi futbol üzrə dünya çempionatında qrup mərhələsinə yekun vurulub və 1/16 finalın bütün cütləri rəsmiləşib.

90deqiqe.Az-ın məlumatına görə, J qrupunun son oyunlarından sonra pley-off mərhələsində üz-üzə gələcək bütün komandalar müəyyənləşib. Turnirin həlledici mərhələsində dünya futbolunun aparıcı yığmaları növbəti raund uğrunda mübarizəyə başlayacaqlar.

1/16 final mərhələsinin oyunları 28 iyun – 4 iyul tarixləri arasında keçiriləcək.

Pley-off mərhələsinin cütləri:

28 iyun

• 23:00 – Cənubi Afrika Respublikası – Kanada

29 iyun

• 21:00 – Braziliya – Yaponiya

30 iyun

• 00:30 – Almaniya – Paraqvay
• 05:00 – Niderland – Mərakeş
• 21:00 – Fildişi Sahili – Norveç

1 iyul

• 01:00 – Fransa – İsveç
• 05:00 – Meksika – Ekvador
• 20:00 – İngiltərə – Konqo Demokratik Respublikası

2 iyul

• 00:00 – Belçika – Seneqal
• 04:00 – ABŞ – Bosniya və Herseqovina
• 23:00 – İspaniya – Avstriya

3 iyul

• 03:00 – Portuqaliya – Xorvatiya
• 07:00 – İsveçrə – Əlcəzair
• 22:00 – Avstraliya – Misir

4 iyul

• 02:00 – Argentina – Kabo-Verde
• 05:30 – Kolumbiya – Qana

Qeyd edək ki, tarixdə ilk dəfə 48 komandanın iştirak etdiyi dünya çempionatında pley-off mərhələsinə hər qrupun ilk iki pilləsini tutan komandalarla yanaşı, üçüncü yeri tutan ən yaxşı səkkiz yığma da yüksəlib. Mundialın final oyunu iyulun 19-da keçiriləcək.