"Ronaldo Portuqaliya millisi üçün hələ də əvəzolunmazdır"

Portuqaliya millisinin sabiq hücumçusu Eder 41 yaşlı Kriştiano Ronaldonun 2026-cı il dünya çempionatındakı çıxışını yüksək qiymətləndirib.

90deqiqe.Az-ın məlumatına görə, o bildirib ki, təcrübəli hücumçu hələ də komandanın əsas oyunçularından biridir və Portuqaliya millisinin ən sürətli futbolçuları sırasında yer alır.

"Kriştianu komandaya çox fayda verir və hələ də onun üçün vacib fiqurdur. O, millinin ən sürətli futbolçularından biri olaraq qalır. Komanda yoldaşları ona hərtərəfli dəstək olmalı, qol epizodları yaratmalıdırlar", – deyə Eder vurğulayıb.

Qeyd edək ki, Kriştiano Ronaldo dünya çempionatının qrup mərhələsində iki qol vurub.

Portuqaliya millisi turnirin 1/16 final mərhələsində Xorvatiya yığması ilə qarşılaşacaq.