Kanada son dəqiqə qolu ilə 1/8 finala yüksəldi

2026-cı il futbol üzrə dünya çempionatının 1/16 final mərhələsində Kanada millisi Cənubi Afrika Respublikası yığması üzərində minimal hesablı qələbə qazanaraq növbəti mərhələyə yüksəlib.

90deqiqe.Az xəbər verir ki, ABŞ-nin İnqlvud şəhərində yerləşən "SoFi" stadionunda keçirilən qarşılaşma Kanadanın 1:0 hesablı qələbəsi ilə başa çatıb.

Oyunun taleyini həll edən yeganə qolu Stiven Eustaquio əlavə olunmuş vaxtın ikinci dəqiqəsində vurub.

Bu nəticədən sonra Kanada millisi 1/8 final mərhələsinə yüksəlib. Komanda növbəti raundda Niderland – Mərakeş cütünün qalibi ilə üz-üzə gələcək.

Xatırladaq ki, dünya çempionatının son qalibi Argentina millisidir. Cənubi Amerika təmsilçisi 2022-ci ildə Qətərdə keçirilən mundialın finalında Fransa yığmasını penaltilər seriyasında 4:2 hesabı ilə məğlub edərək çempion olub.