Alfonso Devis dünya çempionatında ilk oyununa çıxdı

Kanada millisinin müdafiəçisi Alfonso Devis 2026-cı il dünya çempionatında ilk oyununa çıxıb.

90deqiqe.Az xəbər verir ki, 24 yaşlı futbolçu mundialın 1/16 final mərhələsində Cənubi Afrika Respublikası millisinə qarşı keçirilən görüşdə 75-ci dəqiqədə Teycon Byukeneni əvəzləyərək meydana daxil olub.

Beləliklə, Devis cari dünya çempionatında ilk dəfə forma geyinib. O, zədəsini tam sağaltmaq üçün qrup mərhələsinin bütün oyunlarını buraxmışdı.

Xatırladaq ki, Cənubi Afrika Respublikası millisi qrup mərhələsini dörd xalla A qrupunda ikinci pillədə başa vuraraq pley-offa yüksəlmişdi. Kanada yığması da B qrupunda eyni xalla ikinci yeri tutaraq 1/16 finala vəsiqə qazanmışdı.

Hazırkı dünya çempionu Argentina millisidir. Cənubi Amerika təmsilçisi 2022-ci ildə Qətərdə keçirilən mundialın finalında Fransa yığmasını penaltilər seriyasında məğlub edərək kuboka sahib çıxmışdı.