Qələbə qolunun müəllifi matçın ən yaxşı oyunçusu oldu

Kanada millisinin yarımmüdafiəçisi Stiven Eustaquio 2026-cı il dünya çempionatının 1/16 final mərhələsində Cənubi Afrika Respublikası yığmasına qarşı keçirilən oyunun ən yaxşı futbolçusu seçilib.

90deqiqe.Az  xəbər verir ki, bu barədə FIFA-nın rəsmi saytı məlumat yayıb.

Kanadanın 1:0 hesablı qələbəsi ilə başa çatan qarşılaşmada yeganə qolu əlavə olunmuş vaxtın ikinci dəqiqəsində məhz Eustaquio vuraraq komandasını 1/8 finala daşıyıb.

Kanada millisi növbəti mərhələdə Niderland – Mərakeş cütünün qalibi ilə qarşılaşacaq.

Xatırladaq ki, hazırkı dünya çempionu Argentina millisidir. Cənubi Amerika təmsilçisi 2022-ci ildə Qətərdə keçirilən mundialın finalında Fransa yığmasını penaltilər seriyasında məğlub edərək çempion olub.