Martinelli dünya çempionatlarında tarixi rekorda imza atdı

Braziliya millisi dünya çempionatının 1/16 finalında Yaponiya üzərində çətin qələbə qazanaraq 1/8 finala yüksəlib.

90deqiqe.Az xəbər verir ki, qarşılaşmanın taleyini əlavə olunmuş vaxtda Qabriel Martinellinin vurduğu qol həll edib.

Martinellinin 90+5-ci dəqiqədə vurduğu qələbə qolu 1966-cı ildən bəri dünya çempionatlarının pley-off mərhələsində əsas vaxtda qeydə alınan ən gec qələbə qolu kimi tarixə düşüb.

Beləliklə, "Arsenal"ın hücumçusu dünya çempionatlarında yeni tarixi rekorda imza atıb.

Qeyd edək ki, Braziliya millisi 1/8 finalda Kot-d'İvuar – Norveç cütünün qalibi ilə qarşılaşacaq.