Paraqvay Almaniyanı penaltilərdə mübarizədən kənarlaşdırdı

Futbol üzrə dünya çempionatında 1/16 final mərhələsinin növbəti oyunu dramatik ssenari ilə yadda qalıb.

90deqiqe.Az xəbər verir ki, Boston stadionunda keçirilən qarşılaşmada Paraqvay və Almaniya milliləri üz-üzə gəlib.

Matçın əsas və əlavə vaxtı 1:1 hesabı ilə başa çatıb. Cənubi Amerika təmsilçisinin qolunu 42-ci dəqiqədə Xulio Ensiso vurub. Almaniya millisində isə Kay Havertz 54-cü dəqiqədə hesabı bərabərləşdirib.

Qalib penaltilər seriyasında müəyyənləşib. Burada daha dəqiq oynayan Paraqvay yığması 4:3 hesablı üstünlüklə 1/8 finala vəsiqə qazanıb.

Paraqvay növbəti mərhələdə Fransa – İsveç cütünün qalibi ilə qarşılaşacaq.