Belçika dramatik qələbə ilə 1/8 finala yüksəldi

Futbol üzrə dünya çempionatının 1/16 final mərhələsində Belçika millisi Seneqalı dramatik oyunda məğlub edərək növbəti mərhələyə vəsiqə qazanıb.

90deqiqe.Az xəbər verir ki, Sietldə keçirilən qarşılaşmanın əsas vaxtı 2:2 hesabı ilə başa çatdığından qalib əlavə vaxtda müəyyənləşib.

Seneqalın qollarını Habib Diarra və İsmaila Sarr vurublar. Belçikanın heyətində isə Romelu Lukaku hesabı bərabərləşdirən qollardan birinə imza atıb, Yuri Tilemans isə həm əsas vaxtın sonlarında, həm də əlavə vaxtın son dəqiqələrində fərqlənərək komandasına 3:2 hesablı qələbə qazandırıb.

Bu nəticədən sonra Belçika mundialın 1/8 final mərhələsinə yüksəlib. Avropa təmsilçisi növbəti raundda ABŞ – Bosniya və Herseqovina cütünün qalibi ilə qarşılaşacaq.