Yuri Tilemans dünya çempionatının rekordunu yenilədi

Belçika millisinin yarımmüdafiəçisi Yuri Tilemans dünya çempionatında yeni tarixi rekorda imza atıb.

90deqiqe.Az xəbər verir ki, futbolçu Seneqal millisinə qarşı 1/16 final mərhələsinin oyununda təyin olunan penaltini dəqiq yerinə yetirərək komandasına qələbə qazandırıb.

Hakimin epizodu uzun müddət video təkrar sistemi vasitəsilə yoxlamasından sonra təyin edilən penalti Tilemans tərəfindən oyunun 125-ci dəqiqəsində qola çevrilib. Bununla da o, dünya çempionatları tarixində əsas vaxt və əlavə vaxt daxil olmaqla ən gec vurulan qolun müəllifi olub.

Əvvəlki rekord 2006-cı il dünya çempionatına məxsus idi. Həmin mundialın yarımfinalında italiyalı Alessandro Del Pyero Almaniya millisinin qapısına 121-ci dəqiqədə qol vurmuşdu. Tilemans isə bu göstəricini dörd dəqiqə yaxşılaşdıraraq yeni rekorda imza atıb.

Qeyd edək ki, Belçika millisi dünya çempionatının 1/8 final mərhələsində ABŞ yığması ilə üz-üzə gələcək.