İlk ev sahibi komanda dünya çempionatı ilə vidalaşdı

Kanada millisi 2026-cı il dünya çempionatının 1/8 final mərhələsində Mərakeşə 0:3 hesabı ilə məğlub olaraq turnirlə vidalaşıb.

90deqiqe.Az xəbər verir ki, Texas ştatında keçirilən qarşılaşmadan sonra Kanada mundialı tərk edən ilk ev sahibi ölkə olub.

Xatırladaq ki, Kanada millisi B qrupunu ikinci pillədə başa vurmuş, 1/16 final mərhələsində isə A qrupunun ikincisi olan Cənubi Afrika yığmasını mübarizədən kənarlaşdırmışdı.

Buna baxmayaraq, Kanada yığması tarixində dünya çempionatlarında ən uğurlu nəticəsini məhz bu turnirdə əldə edib. Komanda daha əvvəl 1986 və 2022-ci illərdə keçirilən mundiallarda iştirak etsə də, hər iki halda qrup mərhələsini keçə bilməmişdi.

Qeyd edək ki, digər ev sahibi komandalar olan ABŞ və Meksika milliləri yaxın günlərdə 1/8 final mərhələsində meydana çıxacaqlar. ABŞ Belçika, Meksika isə İngiltərə millisi ilə üz-üzə gələcək.