Şirer "Qızıl buts"un favoritini açıqladı

İngiltərə millisinin sabiq hücumçusu Alan Şirer 2026-cı il dünya çempionatında ən məhsuldar futbolçu adına mübarizə ilə bağlı fikirlərini bölüşüb.

90deqiqe.Az xəbər verir ki, o, "Qızıl buts" mükafatını qazanmağa əsas namizəd kimi Fransa millisinin hücumçusu Kilian Mbappeni göstərib.

"Mən hələ də düşünürəm ki, bombardirlər yarışının qalibi Mbappe olacaq. Fransa millisinin finala yüksələcəyinə inanıram və komandanın qollarının böyük hissəsini məhz o vurur. Ümid edirəm ki, Harri Keyn turnirin sonunadək onunla "Qızıl buts" uğrunda mübarizə aparacaq", – deyə Şirer bildirib.

Hazırda dünya çempionatının bombardirlər siyahısına yeddi qolla Argentina millisinin kapitanı Lionel Messi başçılıq edir. Kilian Mbappenin hesabında beş oyunda altı qol, Harri Keynin aktivində isə dörd qarşılaşmada beş qol var.

Qeyd edək ki, Fransa millisi hazırda Paraqvayla üz-üzə gəlir.