"Qızıl top"u qazanmaq istərdim, amma..."

"Barselona"nın və İspaniya millisinin yarımmüdafiəçisi Pedri "Qızıl top" mükafatı ilə bağlı fikirlərini bölüşüb.

90deqiqe.Az xəbər verir ki, ispaniyalı futbolçu fərdi mükafatlardan daha çox komanda uğurlarına üstünlük verdiyini bildirib.

"Bu, fərdi mükafatdır və mən komanda titullarını daha çox sevirəm. Amma düşünürəm ki, millidəki istənilən futbolçudan soruşsanız, hər biri "Qızıl top"u qazanmaq istəyər. Hərçənd bizim artıq belə bir mükafatın sahibi var", - deyə Pedri bildirib.

Pedri 2026-cı il dünya çempionatında İspaniya millisinin keçirdiyi dörd oyunun hamısında meydana çıxıb.

İspaniya millisi dünya çempionatının 1/8 final mərhələsində Portuqaliya ilə qarşılaşacaq.

Qeyd edək ki, "Qızıl top" mükafatı oktyabrın 26-da Londonda keçiriləcək təntənəli mərasimdə təqdim olunacaq.