Mundial Ximenes üçün faciə ilə başa çatdı

Meksika millisinin və İtaliyanın "Milan" klubunun hücumçusu Santyaqo Ximenes dünya çempionatında ağır zədə alıb.

90deqiqe.Az xəbər verir ki, 25 yaşlı futbolçu İngiltərəyə qarşı keçirilən 1/8 final matçında zədələnərək meydanı xərəkdə tərk edib.

Məlumata görə, tibbi müayinələrdən sonra Ximenesin ikinci dərəcəli bağ dartılması aldığı müəyyənləşib. Hücumçunun təxminən səkkiz həftə yaşıl meydanlardan uzaq qalacağı bildirilir.

Ximenes ötən mövsüm "Milan"ın heyətində 18 oyunda meydana çıxıb, bir qol vurub və üç məhsuldar ötürmə edib.

Meksikalı futbolçunun İtaliya klubu ilə müqaviləsinin müddəti 2029-cu ilə qədər qüvvədədir.

Qeyd edək ki, A Seriyasında yeni mövsüm avqustun 22-də start götürəcək.