Messi dünya çempionatları tarixində yeni rekorda imza atdı

Argentina millisinin hücumçusu Lionel Messi dünya çempionatları tarixinin ən məhsuldar assist müəllifi olub.

90deqiqe.Az xəbər verir ki, təcrübəli futbolçu buna dünya çempionatı-2026-nın 1/8 final mərhələsində Misir millisinə qarşı keçirilən oyunda nail olub.

ABŞ-nin Atlanta şəhərindəki "Mercedes-Benz" stadionunda baş tutan qarşılaşmada Messi Kristian Romeronun qoluna məhsuldar ötürmə verərək dünya çempionatlarındakı assistlərinin sayını doqquza çatdırıb. Bu göstərici mundial tarixinin yeni rekordudur.

Qeyd edək ki, xəbər hazırlanarkən oyunda hesab 2:2 olub.

Bundan başqa, Lionel Messi dünya çempionatları tarixinin ən sərrast futbolçusu statusunu da qoruyur. Onun hesabında mundiallarda vurulan 21 qol var.