Misir millisinin baş məşqçisi FİFA-nı tənqid etdi

Misir millisinin baş məşqçisi Hossam Həsən 2026-cı il dünya çempionatının 1/8 final mərhələsində Argentina yığmasına 2:3 hesabı ilə məğlub olduqları oyundan sonra FİFA-nı tənqid edib.

90deqiqe.Az xəbər verir ki, misirli mütəxəssis turnirin qalan oyunlarını izləməyəcəyini bildirib.

"Dünya çempionatının marketinq sənayesinə çevrildiyi açıq-aşkar görünür. Onlar Messinin turnirdən kənar qalmasını istəmirlər. Məhz buna görə də bu görüşdə ədalət yox idi. Messi boş yerə sevinməməlidir.

Bu gündən etibarən dünya çempionatında heç bir oyunu izləməyəcəyəm. Bu, bu gün qarşılaşdığımız ədalətsizliyə etirazımdır. Futbolçularımı ürəkdən təbrik edirəm. Onlar millətin qəhrəmanlarıdır", – deyə Hossam Həsənin sözlərini "Haberler.com" yayıb.