İsveçrə penaltilərdə qalib gələrək 1/4 finala yüksəldi

Futbol üzrə dünya çempionatında İsveçrə millisi 1/4 finala yüksələn növbəti komanda olub.

90deqiqe.Az xəbər verir ki, 1/8 final mərhələsində Kolumbiya ilə qarşılaşan Avropa təmsilçisi dramatik mübarizədən sonra adını növbəti raunda yazdırıb.

"BC Place" stadionunda keçirilən görüşün əsas və əlavə vaxtında qalib müəyyənləşməyib. Tərəflər qapılara yol tapa bilmədiyindən qarşılaşma 0:0 hesabı ilə başa çatıb.

Qalib penaltilər seriyasında müəyyənləşib. Burada daha dəqiq oynayan İsveçrə millisi 4:3 hesablı üstünlüklə qələbə qazanaraq dünya çempionatının 1/4 final mərhələsinə vəsiqə əldə edib.

Qeyd edək ki, İsveçrə yığması növbəti mərhələdə Argentina millisi ilə üz-üzə gələcək.