Portuqaliya millisinin yeni baş məşqçisi açıqlandı

Portuqaliya millisinin yeni baş məşqçisi müəyyənləşib.

90deqiqe.Az Portuqaliya Futbol Federasiyasına istinadən xəbər verir ki, yığmanın sükanını təcrübəli mütəxəssis Jorji Jezuşa həvalə edib.

71 yaşlı portuqaliyalı məşqçi bu vəzifədə Roberto Martinesi əvəzləyib. Tərəflər arasında imzalanan müqaviləyə əsasən, Jezuş 2030-cu ildə Portuqaliya, İspaniya və Mərakeşin birgə ev sahibliyi edəcəyi dünya çempionatının sonuna qədər milli komandaya rəhbərlik edəcək.

Xatırladaq ki, Portuqaliya millisi DÇ-2026-nın 1/8 final mərhələsində İspaniyaya 0:1 hesabı ilə məğlub olaraq turnirlə vidalaşmışdı. Həmin qarşılaşmadan sonra Roberto Martines baş məşqçi postundan istefa vermişdi.