Yurgen Klopp ilk dəfə milli komandaya rəhbərlik edəcək

Yurgen Klopp yaxın vaxtlarda məşqçiliyə qayıdacaq və Almaniya millisinin baş məşqçisi olacaq.

90deqiqe.Az-ın məlumatına görə, Almaniya Futbol İttifaqı təcrübəli mütəxəssisin təyinatını rəsmən açıqlamağa hazırlaşır.

Bildirilib ki, Yurgen Klopp bu vəzifədə dünya çempionatının 1/16 final mərhələsində Paraqvaya məğlubiyyətdən sonra postunu tərk edən Yulian Nagelsmanı əvəzləyəcək.

Kloppun son iş yeri "Liverpul" olub. O, İngiltərə klubundan 2023/2024 mövsümünün sonunda ayrılıb.

Qeyd edək ki, almaniyalı mütəxəssis məşqçilik karyerası ərzində indiyədək heç vaxt milli komandaya rəhbərlik etməyib.