"İspaniyaya qarşı bütün gücümüzü ortaya qoyacağıq"

Belçika millisinin baş məşqçisi Rudi Qarsiya 2026-cı il dünya çempionatının dörddəbir finalında İspaniyaya qarşı keçiriləcək oyun öncəsi iddialı açıqlamalar verib.

90deqiqe.Az-ın məlumatına görə, Los-Ancelesdə təşkil olunan mətbuat konfransında hücumçu Romelu Lukaku ilə birlikdə jurnalistlərin suallarını cavablandıran mütəxəssis komandasının yarımfinala yüksəlmək üçün bütün gücünü ortaya qoyacağını bildirib.

"Bu dəfə turnirin favoritlərindən biri ilə qarşılaşacağımızı bilirik. İspaniya əvvəlki kimi topa nəzarət edən oyun üslubuna malikdir, amma indi daha güclü komandadır. Onlar bu turnirdə hələ qol buraxmayıblar. Lakin bütün rekordlar nə vaxtsa qırılır. Dörddəbir finalda qol vurmaq üçün əlimizdən gələni edəcəyik.

Oyunda fəal olmalıyıq. Passiv çıxış etsək, mübarizəni dayandıracağıq. Çox güclü komandamız var və qol vuracaq potensiala sahibik. Bunu turnirdə ən çox qol vuran ikinci komanda olmağımız və ən çox zərbə endirən komandalar sırasında yer almağımız da sübut edir. Hamı bizi məğlub olmuş komanda kimi görür, amma biz özümüzə inanırıq. Bacaracağımıza əminik və yarımfinala yüksəlmək üçün bütün gücümüzü sərf edəcəyik", - deyə Rudi Qarsiya bildirib.

Baş məşqçi komandanın əsl gücünün çətin anlarda üzə çıxdığını da vurğulayıb.

"Məncə, futbolçuların və məşqçinin keyfiyyəti hər şey yolunda gedəndə deyil, çətinlik yarananda bəlli olur. Seneqala qarşı çətinlik çəkdik. Çünki qarşımızda Fransa və Norveçlə eyni qrupda olmasaydı, üçüncü yeri tutmamalı olan güclü komanda var idi. Ehtiyat oyunçularımızın köməyi ilə növbəti mərhələyə yüksəldik.

Heyəti iki hissə üzrə formalaşdırıram - oyuna başlayanlar və matçı başa vuranlar. Biz yalnız dörddəbir finala yüksəlməyə layiq olmadığımızı deyil, daha irəli gedə biləcəyimizi də hər kəsə göstərmək istəyirik", - deyə o əlavə edib.