"Futbolda güclü auranın ən yaxşı nümunəsi Kriştiano Ronaldodur"

İspaniya millisinin cinah oyunçusu Lamin Yamal "aura" anlayışının onun üçün nə ifadə etdiyini açıqlayıb.

90deqiqe.Az-ın məlumatına görə, "The Touchline" futbolçunun dediklərini belə çatdırıb.

"Güclü aura o deməkdir ki, insan harasa daxil olan kimi onun varlığını hiss edirsən. O, xüsusi təsir bağışlayır. Məsələn, filmə baxarkən elə bir aktyor görürsən ki, istər-istəməz heyran qalırsan. Bred Pitt buna yaxşı nümunədir. Futbolda isə belə şəxsiyyətə ən yaxşı nümunə Kriştianu Ronaldudur", - deyə Yamal bildirib.

Qeyd edək ki, İspaniya millisi dünya çempionatının dörddəbir final mərhələsində Belçika ilə qarşılaşacaq. Bu cütün qalibi yarımfinalda Fransa millisi ilə üz-üzə gələcək.