"Karyeramı bitirəndə ağır depressiya keçirdim"

Braziliya futbolunun əfsanəsi Ronaldo karyerasını başa vurduqdan sonra keçirdiyi çətin günlərdən danışıb.

90deqiqe.Az-ın məlumatına görə, keçmiş hücumçunun sözlərinə görə, futbolla vidalaşmaq onun həyatında ən ağır dönəmlərdən biri olub.

"Karyeranı başa vurmaq qərarı verəndə elə hiss edirsən ki, sanki ən yaxın insanlarından birini itirmisən. Mən ağır depressiya keçirdim, xeyli çəki aldım. Futboldan ayrılmaq mənim üçün çox çətin idi. Bir daha meydana çıxmayacağımı düşünmək məni sarsıdırdı.

Sonradan başa düşürsən ki, həyatda futboldan başqa da məşğul olacağın sahələr var və özünü yenidən kəşf edə bilərsən. Amma artıq yarışmayacağını qəbul etmək fikri uzun müddət beynimdən çıxmadı", - deyə Ronaldo bildirib.

Qeyd edək ki, Ronaldo 2002-ci il dünya çempionatının finalında Almaniya millisinə qarşı keçirilən oyunda iki qol vuraraq Braziliyanın 2:0 hesablı qələbəsində həlledici rol oynamışdı.