İngiltərə əlavə vaxtda qalib gələrək yarımfinala yüksəldi

2026-cı il dünya çempionatının dörddəbir final mərhələsində Norveç və İngiltərə yığmaları üz-üzə gəlib.

90deqiqe.Az xəbər verir ki, ABŞ-nin Florida ştatının Mayami şəhərində keçirilən qarşılaşma İngiltərə millisinin 2:1 hesablı qələbəsi ilə başa çatıb.

Qarşılaşmanın əsas vaxtı 1:1 hesabı ilə yekunlaşıb. Əlavə vaxtda vurulan qol İngiltərə yığmasını yarımfinala daşıyıb.

Norveç millisinin yeganə qoluna Andreas Şelderup imza atıb. İngiltərə yığmasının hər iki qolunu isə Cud Bellinqem vuraraq görüşün qəhrəmanı olub.

İngiltərə yarımfinalda Argentina – İsveçrə cütünün qalibi ilə qarşılaşacaq.

Qeyd edək ki, Norveç yığması əvvəlki mərhələdə Braziliyanı 2:1 hesabı ilə məğlub etmişdi. İngiltərə millisi isə gərgin keçən oyunda Meksikanı 3:2 hesabı ilə üstələmişdi.

Xatırladaq ki, 2026-cı il dünya çempionatı iyunun 11-dən iyulun 19-dək ABŞ, Kanada və Meksikada keçirilir.