Argentina əlavə vaxtda İsveçrəni məğlub edib yarımfinala yüksəldi

Futbol üzrə dünya çempionatında yarımfinala yüksələn növbəti komanda müəyyənləşib.

90deqiqe.Az xəbər verir ki, Kanzas stadionunda keçirilən 1/4 final mərhələsinin qarşılaşmasında Argentina millisi İsveçrəni əlavə vaxtda 3:1 hesabı ilə məğlub edərək adını növbəti mərhələyə yazdırıb.

Oyunda hesabı 10-cu dəqiqədə Aleksis Makallister açsa da, İsveçrə yığması 67-ci dəqiqədə Dan Ndoyenin qolu ilə tarazlığı bərpa edib. Əsas vaxt 1:1 hesabı ilə başa çatdığından qalib əlavə 30 dəqiqədə müəyyənləşib.

Əlavə vaxtda üstün oyun nümayiş etdirən argentinalılar 112-ci dəqiqədə Xulian Alvaresin, 120+1-ci dəqiqədə isə Lautaro Martinesin qolları ilə qələbəni rəsmiləşdiriblər.

Bu nəticədən sonra Argentina dünya çempionatının yarımfinalına yüksəlib. Cənubi Amerika təmsilçisi finala gedən yolda İngiltərə millisi ilə qarşılaşacaq.