FİFA final oyununda futbol qaydalarından kənara çıxacaq

FİFA futbol qaydalarından kənara çıxaraq dünya çempionatının final oyununda taymlararası fasiləni 30 dəqiqəyədək uzatmağı planlaşdırır.

90deqiqe.Az-ın “The Times”a istinadən məlumatına görə, buna səbəb fasilə zamanı azarkeşlər üçün möhtəşəm əyləncə proqramının təşkil ediləcək olmasıdır.

Dünya çempionatının final görüşü iyulun 19-da, bazar günü keçiriləcək. Qarşılaşma Bakı vaxtı ilə saat 23:00-da başlayacaq. Kubok uğrunda Fransa – İspaniya və İngiltərə – Argentina yarımfinal cütlərinin qalibləri mübarizə aparacaqlar.

Hazırda dünya çempionu Argentina millisidir. Komanda 2022-ci il dünya çempionatının finalında Fransa yığmasını əsas və əlavə vaxtı 3:3 hesabı ilə başa çatan oyundan sonra keçirilən penaltilər seriyasında məğlub edərək çempion olmuşdu.