"İngiltərə Messi ilə bağlı bu məqamdan yararlanmalıdır"

"Liverpul"un sabiq müdafiəçisi Ceymi Karrager İngiltərə millisini dünya çempionatının yarımfinalında Argentina ilə oyunda Lionel Messinin müdafiədə zəif tərəflərindən istifadə etməyə çağırıb.

90deqiqe.Az-ın məlumatına görə, onun fikrincə, ingilislər təkcə rəqib komandanın liderini zərərsizləşdirməklə kifayətlənməməli, həm də Messinin müdafiə oyununda demək olar ki, iştirak etməməsindən maksimum yararlanmalıdırlar.

"Rəqib topa sahib olanda Messi sadəcə meydanda gəzir. İngiltərə bundan istifadə etməlidir. Əslində Argentina müdafiədə doqquz meydan oyunçusu ilə çıxış edir", – deyə Karrager bildirib.

İngiltərə ilə Argentina arasında yarımfinal görüşü iyulun 15-də keçiriləcək.

39 yaşlı Lionel Messi 2026-cı il dünya çempionatında keçirdiyi altı oyunda səkkiz qol vurub və iki məhsuldar ötürmə ilə yadda qalıb.