Oyarzabal İspaniya millisinin dünya çempionatındakı bombardir rekordunu təkrarladı

İspaniya millisinin hücumçusu Mikel Oyarzabal 2026-cı il dünya çempionatının yarımfinalında Fransa yığmasının qapısına qol vurub.

90deqiqe.Az xəbər verir ki, beləliklə, Oyarzabal turnirdə vurduğu qolların sayını beşə çatdıraraq İspaniya millisinin futbolçuları arasında bir dünya çempionatında ən çox qol vuran oyunçuların rekordunu təkrarlayıb. Bu barədə "Sifroskop" teleqram kanalı məlumat yayıb.

Bundan əvvəl İspaniya millisinin heyətində bir dünya çempionatında beş qol vurmağa yalnız Emilio Butragenyo 1986-cı ildə, David Vilya isə 2010-cu ildə nail olmuşdu.

Hazırda İspaniya millisi görüşdə 2:0 hesabı ilə irəlidədir.

Qeyd edək ki, 2026-cı il dünya çempionatı iyunun 11-dən iyulun 19-dək Amerika Birləşmiş Ştatları, Kanada və Meksikada keçirilir. Həlledici qarşılaşma Amerika Birləşmiş Ştatlarının İst-Raterford şəhərində oynanılacaq. Yarışın son qalibi Argentina millisidir.