Olise dünya çempionatlarında Pelenin rekordunu təkrarladı

Fransa millisinin hücumçusu Maykl Olise futbol üzrə dünya çempionatları tarixində əfsanəvi braziliyalı hücumçu Pelenin rekorduna şərik olub.

90deqiqe.Az-ın məlumatına görə, 24 yaşlı futbolçu 2026-cı il dünya çempionatının üçüncü yer uğrunda İngiltərəyə qarşı keçirilən görüşdə məhsuldar ötürmə ilə yadda qalıb.

Xəbər hazırlanarkən qarşılaşmanın ikinci hissəsi davam edirdi. Hesab İngiltərə millisinin xeyrinə 4:3 idi.

Bununla da Olise cari dünya çempionatında məhsuldar ötürmələrinin sayını altıya çatdırıb.

Statistik göstəricilərə əsasən, o, 1970-ci ildə eyni turnirdə altı məhsuldar ötürmə edən Pelenin rekordunu təkrarlayıb. Bu, 1966-cı ildən etibarən məhsuldar ötürmələrin rəsmi statistikasının aparıldığı dövrdə qeydə alınan ən yüksək göstəricidir.