Maykl Olise Pelenin 56 illik rekordunu qırdı

Fransa millisinin hücumçusu Maykl Olise futbol üzrə dünya çempionatları tarixində əfsanəvi braziliyalı hücumçu Pelenin rekordunu yeniləyib.

90deqiqe.Az-ın məlumatına görə, 24 yaşlı futbolçu 2026-cı il dünya çempionatının üçüncü yer uğrunda İngiltərəyə qarşı keçirilən qarşılaşmada iki məhsuldar ötürmə ilə yadda qalıb.

Xəbər hazırlanarkən görüşün ikinci hissəsi davam edirdi. Hesab İngiltərə millisinin xeyrinə 4:3 idi.

Beləliklə, Olise cari dünya çempionatında məhsuldar ötürmələrinin sayını yeddiyə çatdırıb.

Statistik göstəricilərə əsasən, o, 1970-ci ildə eyni turnirdə altı məhsuldar ötürmə edən Peleni geridə qoyaraq 1966-cı ildən bəri bir dünya çempionatında ən çox məhsuldar ötürmə müəllifi olan futbolçu kimi tarixə düşüb.